Stór hluti landnámsmanna voru kristnir, nefnilega allir írsku þrælarnir og einnig sumir norrænu landnámsmannanna. Ef það er haft í huga vaknar upp áhugaverð spurning: Hvað varð um trú þeirra? Vék hún algjörlega fyrir hinum heiðna átrúnaði hinna norrænu mannanna? Lifði hún mögulega áfram í einhverri mynd?
Við skulum velta þessu fyrir okkur. Áfram…
Ég er nú senn hálfnaður með tímann minn hér úti, er í miðri fjarverunni frá fólkinu mínu. Ég sakna þeirra eiginlega alla stund. Mér kemur í hug eitthvert þeirra við ótal tækifæri. Hvað er hún nú að gera þessa stundina og hvar eru litlu stírin mín? Hvernig klára þeir sig drengirnir mínir í þessum ólgusjó efnahagsvandræða og eru konurnar þeirra ekki áhyggufullar? Áfram…
Það hefur verið að vaxa fram í huga mínum hugsun um farnað manna á komandi tímum. Ég sé í fjölmenningunni og tíðarandanum sem allt hefur fyrir satt í senn mikla menningarlega ólgu. Kristin gildi eru haldin í vafa eins og allt annað. Sögulegar staðreyndir eru í illgreinanlegu blandi við grillur og getsagnir. Samtíðin er sem ólgandi flóð og mörgu skolar óhjákvæmilega burt, og jarðvegurinn grefst frá undirstöðum og skönsum. Þá reynir á hvað hefur hald og grundvöll. Alveg er til að skjól og athvarf manna falli í svo víðtæku flóði, ekki víst að aðeins það haldlausa berist burt með strauminum svo þungur sem hann virðist. Áfram…
·
