jakob.annáll.is

AnnállAndleg fræðiAuðurFerðapistlarFjölskylda með fjölskylduHugleiðingarParish to parishPostillaSögurUm þessa síðu
  • Annálar

  • Tenglar

  • Eldri færslur

  • Leit

Engladagur

Jakob Ágúst Hjálmarsson @ 08.39 29/9

Á sunnudaginn var (eða kemur) er haldið upp á englana. Hér er efni um þá á lista til hægri. Ég á líka myndaerindi sem ég er fús á að flytja í söfnuðum við hentugleika.

Kennsluleiðbeiningar með Melkorku

Jakob Ágúst Hjálmarsson @ 16.47 31/8

Ég hef gefið út leiðbeiningar um það hvernig má nýta DVD diskinn um Melkorku – Rætur íslenskrar menningar. Það er bara að hafa samband. Er líka fús að koma með efnið í skóla, kirkjur og eldriborgarastarf og kynna eða flytja. Sendið línu  jakob.hjalmarsson@simnet.is

Picture 1

Góð þátttaka í Melkorkudagskrá

Jakob Ágúst Hjálmarsson @ 11.51 2/8

IMG_0992Um 80 manns á öllum aldri fóru í fótspor Melkorku i Laxárdal sunnudaginn 1. ágúst. Í Hjarðarholtskirkju höfðu bæst við organisti og sönghópur sem hjálpuðu til við að gera stundina í kirkjunni svo góða.

Veðrið lék við okkur og sveitin blasti við í sínu besta skrúði.

Ég þakka fyrir daginn og gleðina.

Hvað varð um Melkorku? – Er hún í Búðardal?

Jakob Ágúst Hjálmarsson @ 10.28 15/7

Dagskrá sunnudaginn 1. ágúst fyrir unga og aldna um konungsdótturina Melkorku sem numin var á brott frá Írlandi og flutt í Dali. Farið um söguslóðir á fjölskyldubílnum og saga hennar rakin og upplifuð.

Upphaf dagskrár er í Leifsbúð í Búðardal klukkan 12:30 þar sem sagan er rifjuð upp með hjálp mynddiskins um hana, Melkorka, rætur íslenskrar menningar. Í Leifsbúð er hægt að fá keyptar veitingar. Eftir akstur um söguslóðirnar, Laxárós, Höskuldsstaði, Melkorkustaði er komið í Hjarðarholtskirkju þar sem dagskráin endar á helgistund með söngvum frá heimalandi Melkorku. Á eftir er hægt að setjast út í skógarlund með nestið sitt. Þetta er þannig tilvalinn sunnudagsbíltúr fjölskyldunnar.

Á leið heim

Jakob Ágúst Hjálmarsson @ 09.43 8/3

Eftir viðburðaríka daga í Karapókot og námskeið í Kapengúría er eg á leid heim. Fyrr en ætlað var. Veikindi mömmu minnar valda okkur áhyggjum og ég ákvað að sleppa heimsóknum til fyrri nemenda annars staðar í Keníu, en þykir vont ad geta ekki verid a kristniboðaradstefnunni i næstu viku og fara med Ragnari framkvstj Kristniboðssambandsins um Pókot. Áfram…

Námstefna um helgisiði

Jakob Ágúst Hjálmarsson @ 09.41 8/3

Ýmsum kann að verða að orði að það eigi ekki illa við þann sem ritar að kenna um tilbeiðsluna í húsi Drottins og það er hverju orði sannara. Það er það sem ég held ég geri best og það af því að mér er það svo kært frá fyrstu tíð. Ég sé hana ævinlega í órofa samhegi við uppfræðslu safnaðarins og þjónustu hans. Þannig kenni ég líka. Áfram…

Leiðangur um Karapókot

Jakob Ágúst Hjálmarsson @ 09.40 8/3

Það var ætlunin að fara í sérstaka ferð um Karapókot (N-Pókot) með fræðslu og uppörvun. Þar eru yngstu kirkjurnar og flest stutt á veg komið. Þó er áberandi áhuginn á fagnaðarerindinu hjá þeim víðast og augljóst að væntingarnar eru talsverðar um framfarir og menningarþróun. Þær kirkjur sem þar starfa nú eru flestar orðnar til fyrir innlent kristniboð sem við höfum skipulagt með Norðmönnum og heimamönnum sjálfum. Afar athyglisvert þess vegna að greina árangur og mikilvægt mtt framtíðarþróunar starfsins. Áfram…

Tvenn ný tengsl

Jakob Ágúst Hjálmarsson @ 16.23 16/2

Í fyrri viku átti ég fund með prestakallsforystunni í Kapkoris og tilkynnti um að Akureyrarkirkja hefði tekið tilboði um vinatengsl og núna á helginni var ég við messu í Materio kirkju og tilkynnti hið sama um tengsl við Laugarneskirkju. Hvorirtveggja fögnuðu innilega. Þau vita með þessu að þau tilheyra heimskirkjunni, eru viðurkennd. Áfram…

Heimsókn til Cheparería

Jakob Ágúst Hjálmarsson @ 17.32 13/2

 Cheparería er eiginlega “household word” hjá kirkjufólki, næstum fremur en Kapengúría. Ég er nýkominn til Ísafjarðar þegar fregnir fara að berast þaðan. Þar bjuggu þá skinnklæddir ef ekki hálfberir villimenn sem sögur fóru af. Nú er þetta settlegt fólk, ákaflega kurteist og snyrtilega til fara. Og þau eru að byggja kirkju.

Áfram…

Þau bíða enn

Jakob Ágúst Hjálmarsson @ 17.28 9/2

Við Jón Fjölnir sátum í dag á tali við þá Loyara og Lokir sem fara fyrir trúboðsverkefninu, Karapokot Outreach. (Karapokot = Norður Pokot) Þar kom einu sinni enn fram að þar lengst í norð-austri eru fullir dalir af fólki sem kallar eftir kristniboðunum að koma til sín með allt það góða sem kristninni fylgir.

Áfram…

« Fyrri færslur  

© jakob.annáll.is · Færslur · Ummæli